На 29 Декември 2024 година во Домот на културата во Оризари со почеток во 16:00 часот нашиот ансамбл ќе го одржи новогодишниот концерт, кој традиционално се одржува секоја година на крајот на месец Декември. На концертот ќе бидат изведени поголем дел од ората кои се наоѓаат на нашиот репертоар во изведба на нашите членови од сите возрасни групи на играорци.

Како и секоја година, по завршувањето на концертот ќе следи богата лотарија на која ќе бидат извлечени добитниците на наградите. Оваа година покрај многубројните стокови награди обезбедивме и две главни награди и тоа: патување за двајца во Истанбул и патување за двајца во Сараево. Талоните за наградната игра се пуштени во предпродажба по цена од 50 денари.