Почитувани, сакаме да ве информираме дека од денес сите новости и активности поврзани со нашиот Фолклорен Ансамбл „Љупчо Сантов“ освен на социјалните мрежи ќе можете да ги следите на нашата веб страна www.faljupchosantov.com

Таму ќе најдете информации за сите наши настапи, гостувања и работилници. Ќе се запознаете со нашите играорци – членови во фолклорните групи, со нашиот богат репертоар на традиционални песни и ора како и со традиционалната македонска народна носија.

На нашата интерактивна веб страна ќе можете да уживате во богатата архива на фотографии од нашите настапи во земјава и во странство, но и да научите нешто повеќе за македонските традиции и обичаи.

ФА Љупчо Сантов како еден модерен фолклорен ансамбл, преку својата веб страна ви нуди можност и вие да бидете дел од нашиот ансамбл преку едноставно пополнување на формата за зачленување во ансамблот.

За сите ваши прашања одговор ќе можете да добиете преку сите наведени форми во контакт менито.